Judul: Sarwa-Sarwi Sekar Macapat
Penulis: AKBAR AL MASJID, S.S., M.Pd. & DHAGAN WIDYALOKA, S.S., S.Pd., M.Pd.
Penerbit:
Surya Pustaka Ilmu Grup
Karanganyar. 57761
suryapustakailmu.com
Sinopsis:
Buku “Sarwa-Sarwi Sekar
Macapat” punika karakit kangge hamimbuhi kawruh ngenani kawruh punapa kemawon
ingkang wonten gandheng-cenengipun kaliyan babagan sekar macapat. Sadaya kawruh
bab kalawau dipunudhari setunggal mbaka sawiji wonten ing buku punika. Buku
ingkang alit tur prasaja punika ngewrat kawruh sapala sekar macapat, falsafah lan watakipun sekar macapat,
sarta kagunan basa ing sekar macapat. Boten katalompen, buku punika ugi
ngudhari piwucal budi pekerti lan watak maton (kepatuhan) masarakat Jawi dhumateng pranataning bebrayan ingkang
wonten ing sekar macapat.
Angkahing pangripta, buku
punika dipunancas sageda minangka pasumbang buku punika dipunancas sageda
minangka pasumbang pamikiran bababagan sesekaran. Sanadyan ugi dipunrumaosi
naming winates klungsu-klungsu ndherek udhu tebih saking sampurna. Nanging
ingkang wigatos, lumantar buku ingkang prasaja punika mugi-mugi kabudayan Jawi
ingkang awujud sekar macapat tetepa lestari saha ngrembaka. Kajawi punka, mugia
saged dipunginakaken dening para siswa ing tataran SD ngantos SMA / SMK;
mahasiswa ingkang sinau bab sekar macapat; para dwija basa Jawi minangka
gegebengan anggenipun paring pamucalan lan panggulawenthah siswa-siswinipun
babagan sekar macapat; para pametri lan sutresna budaya Jawi; sarta para
generasi mudha ingkang minangka generasi penerus bangsa ingkang taksih remen
lan nggilut ing sekar macapat. Pramila kanthi maos buku punika mugia saged dados lelantaran anggenipun sangsaya langkung
tresna tundhonipun rumaos handarbeni, ndherek hangrungkepi, sarta mulat sarira
hangrasa wani kaliyan budaya sekar macapat.